Plantun de Prouvènço

Pèr coumpara dos planto d'encò nostre

Polypodium vulgare & Scorzoneroides pyrenaica

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Moulin-de-prat(-di-pirenèu)

Scorzoneroides pyrenaica

Asteraceae Compositae

Nom en français : Liondent des montagnes.

Descripcioun :
Aquéu moulin-de-prat trachis dins li tepiero un pau seco d'auto mountagno. Coume tóuti li Scorzoneroides, si péu soun simple (au contro de Leontodon). Pèr lou destria di dous àutri que trachisson dins lis Aup, fau regarda lis estile que dèvon èstre bèn jaune e la cambo que dèu pourta mai de 3 escaumo entre la baso e la flour coumpausado.

Usanço :
Dèu èstre manjadis mai couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Scorzoneroides
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 20 à 35 mm
Flourido : Estiéu

Sòu : Si
Autour basso e auto : 1200 à 3200 m
Aparado : Noun
Juilet à avoust

Liò : Tepiero - Champino
Estànci : Mountagnard à Aupen
Couroulougi : Ouroufito-Sud-Ouèst-Éuropo
Ref. sc. : Scorzoneroides pyrenaica (Gouan) Holub, 1977 (= Leontodon pyrenaicus Gouan, 1773 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Polypodium vulgare & Scorzoneroides pyrenaica

ges

RRR

Coumpara Regalisso-bastardo emé uno autro planto

Coumpara Moulin-de-prat(-di-pirenèu) emé uno autro planto